TUMAR Group құрылыс компаниясының ұжымы Мемлекет Басшысы Қасым-Жомарт Тоқаевтың бастамасын қолдап, табиғи апаттан зардап шеккен Қостанай облысының Арқалық қаласындағы және жақын маңдағы Екідің мен Қызылжұлдыз ауылдарының тұрғындары үшін гуманитарлық көмекті жеткізуді ұйымдастырды.

Азық-түлікпен және бірінші қажеттіліктегі құралдармен қамтамасыз ету бойынша жедел штаб Арқалық қаласы, Ш.Жәнібек көшесінде, орталық мешіттің жанында орналасқан.

Адамдар тап болған қиындықтарды ескере отырып, біздің мақсатымыз - қолдауды қажет ететіндердің жанынан табылу және олардың жақсылыққа деген үмітін арттыру.

Біз бұл бастамаға қатысқан және осы мейірімділік әрекетінде бізді қолдаған әрбір азаматқа ризашылығымызды білдіреміз.

Біз бірге кез келген қиындықты еңсере аламыз.